Dondurma əsasən süd, qaymaq, kərə yağı və şəkər kimi məhsullardan hazırlanır. Ev şəraitində hazırlanan dondurmalarda da bu inqrediyentlərdən istifadə olunur. Lakin nəzərə almaq lazımdır ki, istifadə edilən süd və qaymaq çox vaxt emal olunmuş hazır məhsullar olur. Bəzi hallarda isə yumurtadan istifadə edilmir ki, bu da məhsulun saxlanma müddətinə və təhlükəsizliyinə təsir göstərən amillərdən biridir.
Tipik.az gənclər platforması SİA-ya istinadən yazır ki, bu sözləri açıqlamasında sağlam qidalanma mütəxəssisi Məhsəti Hüseynova deyib.
O bildirib ki, süd, qaymaq və digər süd məhsulları tez xarab olan qida məhsulları hesab edilir. Xüsusilə qablaşdırma açıldıqdan sonra onların qısa müddətdə istifadə olunması tövsiyə edilir. Bu məhsullardan hazırlanan dondurma da mümkün qədər qısa müddətdə istehlak edilməlidir. Əgər məhsulun daha uzun müddət saxlanılması nəzərdə tutulursa, o zaman dondurma digər qida məhsullarından, xüsusilə də çiy ət məhsullarından ayrı, hava keçirməyən qapalı qabda və mənfi 18°C və ya daha aşağı temperaturda saxlanmalıdır. Bu şəraitdə məhsul bir neçə həftə ərzində öz keyfiyyətini qoruya bilər. Bununla belə, ən təhlükəsiz seçim dondurmanın qısa müddətdə istehlak edilməsidir:
“İstehlakdan əvvəl məhsulun görünüşünə, qoxusuna və teksturasına diqqət yetirilməlidir. Dadında və ya qoxusunda hər hansı dəyişiklik müşahidə olunarsa, həmin məhsul istifadə edilməməlidir. Eyni zamanda, dondurmanın hazırlanmasında istifadə olunan bütün xammalın son istifadə tarixinin yoxlanılması vacibdir.
Hazırlanmış dondurma otaq temperaturunda uzun müddət saxlanılmamalı, mümkün qədər tez soyuducuya və ya dondurucuya yerləşdirilməlidir. Məhsulun əridildikdən sonra yenidən dondurulması isə qida təhlükəsizliyi baxımından risklidir. Bu proses həm məhsulun keyfiyyətinin pisləşməsinə, həm də mikrobioloji risklərin artmasına səbəb ola bilər.
Ev şəraitində hazırlanan dondurmalarda əsas risklərdən biri də çiy və ya kifayət qədər istilik emalından keçməmiş süd və yumurtanın istifadəsidir. Belə hallarda məhsulun tərkibində mövcud ola biləcək mikroorqanizmlər dondurma prosesi zamanı məhv olmur. Çünki dondurulma mikrobların fəaliyyətini zəiflətsə də, onları tamamilə aradan qaldırmır. Buna görə də istifadə olunan süd və yumurtanın təhlükəsizliyinə, həmçinin gigiyenik hazırlama qaydalarına ciddi riayət olunmalıdır”.
“İdman Zədələnmələrinin Qarşısının Alınması və Risklərin Təhlili” mövzusunda seminar təşkil olundu.
31 Oktyabr 2026
Gündəm yumurtadır: Niyə ucuzlaşıb anidən bahalaşdı?
23 İyun 2026
“Şəkərsiz” adı ilə satılan qidalarla bağlı XƏBƏRDARLIQ
22 İyun 2026
"Yay mövsümündə tez xarab olan məhsullar və onların qorunma yolları" - QİDA MÜTƏXƏSSİSİ DANIŞDI
21 İyun 2026
Süfrələrdən ayaq açan ağrı-acılar
20 İyun 2026
Qida israfının qarşısını necə almaq olar? -EKSPERT DANIŞDI
19 İyun 2026
Broyler toyuqlar niyə zərərlidir? AÇIQLANDI
17 İyun 2026
Bu çiyələkləri almayın!
15 İyun 2026
Küçə qidaları nə dərəcədə təhlükəsizdir?
13 İyun 2026
Hər 10 ofisdən 9-unda var — Sonsuzluq yaradır
11 İyun 2026