Azərbaycan Gənc Müəllimlər Assosiasiyasının təşkilatçılığı ilə xaricdə yaşayan azərbaycanlı uşaqlar və gənclər üçün həyata keçirilən “Ana dili – Azərbaycan məktəbi” layihəsinə qeydiyyat başlayıb.
Layihənin əsas məqsədi xaricdə yaşayan soydaşlarımızın Azərbaycan dilini öyrənməsinə və inkişaf etdirməsinə dəstək olmaq, onların milli kimliyini qorumaq, Azərbaycanla bağlarını möhkəmləndirmək və milli şüurlu insan kapitalının formalaşmasına töhfə verməkdir.
Layihədə xaricdə yaşayan 6–18 yaş arası azərbaycanlı uşaqlar və gənclər iştirak edə bilərlər. İştirakçılar yaş qruplarına və Azərbaycan dili üzrə bilik səviyyələrinə uyğun olaraq qruplara bölünəcəklər.
Yaş qrupları:
6–10 yaş – kiçik yaş qrupu
11–13 yaş – orta yaş qrupu
14–18 yaş – yuxarı yaş qrupu
Tədris prosesi onlayn formatda təşkil olunacaq. Dərslər 25 sentyabr 2026-cı il tarixindən başlayacaq və həftədə iki dəfə keçiriləcək. Tədris təcrübəli müəllimlər tərəfindən interaktiv və iştirakçıların yaş xüsusiyyətlərinə uyğun metodlarla həyata keçiriləcək.
Tədris proqramı Azərbaycan dili üzrə başlanğıc, orta və yüksək səviyyələr üzrə hazırlanıb. İştirakçıların qruplara düzgün bölüşdürülməsi zamanı onların yaşları, dil bilikləri və yaşadıqları ölkələrin vaxt zonaları nəzərə alınacaq.
Qeydiyyatdan keçən iştirakçılar Azərbaycan dili üzrə bilik səviyyələrinin müəyyənləşdirilməsi məqsədilə əvvəlcədən təşkil olunacaq qısa dil yoxlamasından keçəcəklər.
Proqramı uğurla başa vuran iştirakçılara Azərbaycan dili üzrə bilik səviyyələrinə uyğun sertifikat təqdim olunacaq.
Xaricdə yaşayan və övladlarının Azərbaycan dilini öyrənməsini, ana dili ilə bağlarını qorumasını və Azərbaycanla əlaqələrini möhkəmləndirməsini istəyən valideynlər layihədə iştirak üçün qeydiyyatdan keçə bilərlər.
Qeydiyyat linki: https://forms.gle/o6MYvWZJjc9ywj7g9
Naxçıvanda məktəblilər arasında debat çempionatı keçiriləcək
5 Noyabr 2026
“Yeni tədris ili: Məktəbdə keyfiyyətli başlanğıc” konfransı keçirilib
20 Sentyabr 2026
Elm və təhsil naziri azad Kəlbəcərin ilk məzununun "Son zəng" tədbirində iştirak edib
13 İyun 2026
Qabiliyyət imtahanlarına qeydiyyat başa çatır
2 İyun 2026
I, II, III və IV ixtisas qrupları üzrə qəbul imtahanının 2-ci mərhələsinin 2-ci cəhdində iştirak et…
1 İyun 2026
Təhsil Tələbə Kredit Fondu Ağcəbədi pedaqoji kollecində infosesiya keçirib.
18 May 2026
“Pixar Dərsləri” layihəsinin təlimləri uğurla yekunlaşıb
25 Aprel 2026
“İngilis dili ilə qlobal imkanlara açılan qapı” layihəsi çərçivəsində növbəti təlim keçirilib
19 Aprel 2026
Göyçay Dövlət İdarəetmə və Texnologiya Kolleci ilə Elmi-Təcrübə Mərkəzi arasında əməkdaşlıq müqavil…
1 Aprel 2026
İngilis dili ilə qlobal imkanlara açılan qapı” layihəsi çərçivəsində növbəti təlim keçirilib
1 Aprel 2026