Azərbaycan Bəstəkarlar İttifaqının kollektivi və bütün üzvləri Azərbaycan Bəstəkarlar İttifaqının Sədri, Xalq artisti, görkəmli bəstəkar Firəngiz xanım Əlizadəyə dəyərli bacısı Tağıyeva Flora Əliağa qızının vəfatı ilə bağlı dərin hüznlə başsağlığı bildirir.
Bacı itkisi – insan ömrünün ən ağır, qəlbin bir parçasının qopub getdiyi, yeri heç zaman dolmayan acısıdır. Uşaqlıq və gənclik illərinin ən isti duyğusu, ömrün ilk sığınacağı və ən əziz sirdaşı olan doğma bir insanın haqq dünyasına, əbədi işığın və ilahi harmoniyanın məkanına qovuşması hər birimiz üçün kədəri sözlərə sığmayan böyük üzüntüdür.
İncə, həssas sənətkar qəlbi üçün bu itkinin ağırlığı, ruha vurduğu sükut yarası sözlərlə ifadə olunmayacaq dərəcədə dərindir. Lakin bilirik ki, Flora xanım kimi nurlu ruhlar bu fani dünyadan ayrılsalar da, geridə qoyduqları silinməz izlər, bəslədikləri təmiz sevgilər və dualar əbədi olaraq yaşayır. Bu çətin, sükutla dolu ağır günlərdə Firəngiz xanımın qəlb acısını ürəkdən duyur, dərdi-kədərini öz ağrımız hesab edirik.
Azərbaycan Bəstəkarlar İttifaqının kollektivi və üzvləri adından görkəmli sənətkarımıza, mərhumənin ailə üzvlərinə və bütün doğmalarına Uca Tanrıdan böyük səbir, ruh sakitliyi və mənəvi dözümlülük diləyirik.
Əziz Flora xanımın nurlu xatirəsi onu tanıyanların, doğmalarının və sevdiklərinin qəlbində hər zaman dərin ehtiram və sevgi ilə yaşayacaqdır.
Allah rəhmət eləsin! Məkanı cənnət, ruhu şad olsun!
Azərbaycan Bəstəkarlar İttifaqının mətbuat katibi Aysel Kərim
“Zəfər nəsli” proqramı çərçivəsində “Şam işığında konsert” keçirilib
10 Noyabr 2026
Zəfərin Mənəvi Təntənəsi: Abdulla Şaiqin Mənzil-Muzeyində 8 Noyabr – Zəfər Günü qeyd olunub.
6 Noyabr 2026
Məktəblilərin Ordubada ekskursiyası təşkil olunub
23 Oktyabr 2026
Şahbaz Alinin “Gəl” mahnısı dinləyicilər tərəfindən sevgi ilə qarşılanıb!
12 Oktyabr 2026
Tofiq Bakıxanovun silinməz izləri hər zaman yaşayacaq
1 Oktyabr 2026
Abdulla Şaiqin Mənzil-Muzeyində 27 sentyabr "Anım Günü"nə həsr edilmiş tədbir keçirildi
24 Sentyabr 2026
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
28 İyul 2026
Azərbaycanın SECURE modeli UNESCO-nun Ümumdünya İrs Komitəsində təqdim olunub
24 İyul 2026
Mədəniyyət naziri Adil Kərimli yubileyi münasibətilə Xalq artisti Flora Kərimovanı evində ziyarət e…
24 İyul 2026
Adil Kərimli “Əndican – Türk Dünyasının Mədəniyyət Paytaxtı 2026” ilinin açılış mərasimində iştirak…
25 İyun 2026