18 iyul 2025-ci il tarixində İstanbulun Fəriyə Sarayında Beynəlxalq Türk Mədəniyyəti Təşkilatı – TÜRKSOY-un təşkilatçılığı ilə Türk Dünyası Kino Rəhbərlərinin II Görüşü baş tutub. Görüşdə Azərbaycan, Qazaxıstan, Qırğızıstan, Özbəkistan, Türkmənistan və Türkiyəni təmsil edən kino sahəsi üzrə yüksək vəzifəli şəxslər iştirak ediblər.
Tədbir TÜRKSOY Daimi Şurasının 40-cı toplantısında qəbul edilmiş qərarlar əsasında keçirilib və kino sektorunun mədəni irsin qorunması, həmçinin gələcək nəsillərə ötürülməsindəki rolunun gücləndirilməsi məqsədini daşıyıb.
Tədbirin açılışında çıxış edən TÜRKSOY-un Baş katibi Sultan Raev ortaq yaddaş və mədəniyyətin formalaşdırılması üçün birgə fəaliyyətin önəmini vurğulayıb. O, kinonun türk sivilizasiyasının zəngin irsini dünyaya çatdırmaq baxımından ən güclü vasitələrdən biri olduğunu qeyd edib.
Azərbaycan Respublikası Kino Agentliyinin baş direktorunun müavini Qurban Primov çıxışında ölkəmizin kino sahəsində həyata keçirdiyi siyasət, beynəlxalq əməkdaşlıq istiqamətləri və gələcək planlar barədə ətraflı məlumat verib. O, həmçinin “Baku Cinema Breeze Festivalı” haqqında iştirakçıları məlumatlandıraraq festivalda iştiraka dəvət edib. Çıxışı zamanı distribusiya, dublyaj və animasiya sahələrində əməkdaşlıq təklifləri də irəli sürülüb.
Görüşdə ortaq film istehsalı, kino festivallarında əməkdaşlıq və birgə kino fondu yaradılması kimi məsələlər müzakirə olunub. Tədbirin yekununda iştirakçı ölkələrin nümayəndələri tərəfindən ortaq protokol imzalanıb.
Qeyd edək ki, görüş Türkiyənin ən böyük ssenari inkişafı və ortaq istehsal platforması olan “TRT 12 Punto” tədbirləri ilə paralel təşkil edilib. “12 Punto 2025” çərçivəsində keçirilən “Türkiye ile Türk Dünyası Arasında Ortak İstehsalda Yeni Köprülər” adlı panel müzakirəsində Türkiyə və digər türk dövlətlərinin kino sahəsindəki rəsmi qurumlarının rəhbərləri iştirak ediblər. Paneldə ortaq istehsal imkanları, əməkdaşlıq platformaları və gələcək perspektivlər müzakirə olunub.
Panel iştirakçıları arasında Azərbaycan Kino Agentliyinin baş direktorunun müavini Qurban Primov, Qırğızıstanın Kino üzrə Baş direktoru Ulan Adamaliev, Qazaxıstan “Kazakfilm”in icraçı direktoru Asset Yernazarov, Qazaxıstan Milli Kino Dəstək Mərkəzinin sədri Jumagali Kurmanbek, Özbəkistanın Kino üzrə Baş direktoru Şuxratulla Rızayev, Türkmənistan “Oğuzxan” Türkmənfilm Birliyinin sədr müavini Sahysalyh Bayramov, Türkiyə Mədəniyyət və Turizm Nazirliyinin Kino Baş direktoru Birol Güven və TRT Sinema rəhbəri Faruk Güven yer alıblar.
Müzakirələr zamanı ölkələrarası birgə layihələrin həyata keçirilməsi, kino üzrə təlim və təcrübə proqramlarının təşkili, qarşılıqlı film mübadiləsi və festival əməkdaşlığı mövzularında fikir mübadiləsi aparılıb. İştirakçılar öz təcrübələrini bölüşərək qarşılıqlı əməkdaşlığın möhkəmləndirilməsi ilə bağlı təkliflər səsləndiriblər.
Səfər çərçivəsində nümayəndə heyətləri TRT-nin pavilyonunu da ziyarət edərək televiziya və kino sahəsində tətbiq olunan müasir texnoloji imkanlar, çəkiliş və post-prodakşn prosesləri ilə tanış olublar. Azərbaycan nümayəndə heyəti, həmçinin Türkiyənin bir sıra nüfuzlu özəl film şirkətləri ilə görüşlər keçirib. Görüşlər zamanı studiyaların tətbiq etdiyi texniki infrastruktur, yüksək keyfiyyətli istehsalat imkanları və əməkdaşlıq perspektivləri ətrafında müzakirələr aparılıb.
Görüş Türk Dünyasında kino sahəsində əməkdaşlığın genişləndirilməsi və ortaq mədəni dəyərlərin qorunması istiqamətində atılmış önəmli addım kimi dəyərləndirilib.
“Zəfər nəsli” proqramı çərçivəsində “Şam işığında konsert” keçirilib
10 Noyabr 2026
Zəfərin Mənəvi Təntənəsi: Abdulla Şaiqin Mənzil-Muzeyində 8 Noyabr – Zəfər Günü qeyd olunub.
6 Noyabr 2026
Məktəblilərin Ordubada ekskursiyası təşkil olunub
23 Oktyabr 2026
Azərbaycan Bəstəkarlar İttifaqı Firəngiz Əlizadəyə dərin hüznlə başsağlığı verir
21 Oktyabr 2026
Şahbaz Alinin “Gəl” mahnısı dinləyicilər tərəfindən sevgi ilə qarşılanıb!
12 Oktyabr 2026
Tofiq Bakıxanovun silinməz izləri hər zaman yaşayacaq
1 Oktyabr 2026
Abdulla Şaiqin Mənzil-Muzeyində 27 sentyabr "Anım Günü"nə həsr edilmiş tədbir keçirildi
24 Sentyabr 2026
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
28 İyul 2026
Azərbaycanın SECURE modeli UNESCO-nun Ümumdünya İrs Komitəsində təqdim olunub
24 İyul 2026
Mədəniyyət naziri Adil Kərimli yubileyi münasibətilə Xalq artisti Flora Kərimovanı evində ziyarət e…
24 İyul 2026