Xəbər verdiyimiz kimi, Mədəniyyət Nazirliyinin təşəbbüsü və təşkilatçılığı ilə aparıcı bədii kollektivlərin ölkə miqyaslı qastrol proqramı həyata keçirilir. Azərbaycan Dövlət Akademik Opera və Balet Teatrı da qastrol proqramında iştirak edir.
Layihə çərçivəsində Opera və Balet Teatrının kollektivi
martın 28-də Mingəçevir Dövlət Dram Teatrında dahi bəstəkar Üzeyir Hacıbəylinin “O olmasın, bu olsun” operettasını nümayiş etdirib.
Bir əsrdən çoxdur ki, ölkəmizdə və xaricdə geniş şöhrət qazanan əsər maraqlı səhnə tərtibatı, parlaq aktyor oyunu və canlı musiqi müşayiəti ilə tamaşaçılara təqdim olunub. Operettada Məşədi İbad obrazını Xalq artisti Azər Zeynalov canlandırıb. Digər rollarda Xalq artisti Əkrəm Poladov (Rüstəm bəy), Atəş Qarayev (Sərvər), Səma Həmzəyeva (Gülnaz), Əməkdar artist Cahangir Qurbanov (Qoçu Əsgər), Əməkdar artist Tural Ağasıyev (Qəzetçi Rza), Fəhmin Əhmədli (Həsən bəy), Əməkdar artist Ələkbər Əliyev (Həsənqulu bəy), Əməkdar artist Gülüstan Əliyeva (Sənəm), Xaliq Bəkirov (hambal), Pərviz Verdiyev (Balaoğlan), Zeynalabdin Kərimov (qulluqçu) və Sadiq Məlikov (hamamçı) çıxış ediblər.
Tamaşa Opera və Balet Teatrı Simfonik Orkestrinin müşayiəti ilə təqdim olunub. Qonaqlıq səhnəsində xanəndə Xəyal Hüseynov, tarda Səxavət Məmmədov, kamançada Mahir Quliyev, nağarada isə Loğman Məmmədli müşayiət edib.
Tamaşanın dirijoru Əməkdar incəsənət xadimi Sevil Hacıyeva, quruluşçu rejissoru Əməkdar incəsənət xadimi Hafiz Quliyev, quruluşçu rəssamı Xalq rəssamı Tahir Tahirov, xoreoqrafı Əməkdar incəsənət xadimi Yulana Əlikişizadə, konsertmeysterləri Nüşabə İsa, Roza Səlimova və Tofiq Şıxıyevdir.
Üzeyir bəyin ölməz sənət yadigarı tamaşaçılar tərəfindən alqışlarla qarşılanıb.
Xatırladaq ki, mart ayından başlanan qastrol səfərləri Bakı, Naxçıvan Muxtar Respublikası, Ağdam, Laçın, Gəncə, Mingəçevir, Lənkəran, Sumqayıt, Quba, Xaçmaz, Şəki, Qəbələ, Zaqatala, Balakən, Sabirabad, Şamaxı və digər şəhər və rayonları əhatə edəcək.
“Zəfər nəsli” proqramı çərçivəsində “Şam işığında konsert” keçirilib
10 Noyabr 2026
Zəfərin Mənəvi Təntənəsi: Abdulla Şaiqin Mənzil-Muzeyində 8 Noyabr – Zəfər Günü qeyd olunub.
6 Noyabr 2026
Məktəblilərin Ordubada ekskursiyası təşkil olunub
23 Oktyabr 2026
Azərbaycan Bəstəkarlar İttifaqı Firəngiz Əlizadəyə dərin hüznlə başsağlığı verir
21 Oktyabr 2026
Şahbaz Alinin “Gəl” mahnısı dinləyicilər tərəfindən sevgi ilə qarşılanıb!
12 Oktyabr 2026
Tofiq Bakıxanovun silinməz izləri hər zaman yaşayacaq
1 Oktyabr 2026
Abdulla Şaiqin Mənzil-Muzeyində 27 sentyabr "Anım Günü"nə həsr edilmiş tədbir keçirildi
24 Sentyabr 2026
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
28 İyul 2026
Azərbaycanın SECURE modeli UNESCO-nun Ümumdünya İrs Komitəsində təqdim olunub
24 İyul 2026
Mədəniyyət naziri Adil Kərimli yubileyi münasibətilə Xalq artisti Flora Kərimovanı evində ziyarət e…
24 İyul 2026