Azərbaycan musiqi dünyasına yeni və iddialı bir nəfəs gəlir. Azərbaycan Dövlət Akademik Opera və Balet Teatrının aktyoru və solisti, Milli Konservatoriyanın məzunu Elşən Mübariz "Sonsuz sevgi" adlı ilk mahnısını və klipini pərəstişkarlarının ixtiyarına verib.
Saf və ülvi sevgidən bəhs edən ekran işi peşəkar komandanın birgə əməyi nəticəsində ərsəyə gəlib.
Sözügedən layihənin ən diqqətçəkən məqamlarından biri onun ərsəyə gəlməsində ölkənin tanınmış ulduz heyətinin bir araya gəlməsidir. Belə ki, dinləyicilərin qəlbini fəth etməyə hazırlaşan mahnının sözləri və musiqisi pop ulduzu, EYOF olimpiyasının ulduz səfiri, həmçinin Azərbaycan Könüllülərinin rəsmi himninin müəllifi və ifaçısı Tofig Hajiyevə məxsusdur. Tofig Hajiyevin özünəməxsus musiqi xətti gənc ifaçının vokal imkanları ilə birləşərək ortaya olduqca harmonik bir iş çıxarıb. Layihənin baş prodüseri və klipin rejissoru qismində isə tanınmış ulduz müğənni Şahbaz Ali çıxış edib. Eyni zamanda layihənin ümumi vizual konsepsiyasını və geyimlərini ulduzun vizual zövqünə əmanət edən komanda, ekran işinin üslubunu və obrazların stilistliyini də məhz Şahbaz Aliyə həvalə edib. Onun həm rejissor, həm də stilist kimi bədii və estetik baxışı klipin hər bir kadrında, personajların premium geyim və imicində özünü aydın şəkildə büruzə verir. Mahnının dinamik və müasir aranjimanını sevimli müğənni Bəhruz Kərimli hazırlayıb, səs uzlaşması (mix-mastering) isə musiqi dünyasında hər kəsin yaxından tanıdığı Dizzi tərəfindən "ZoyDi" studiyasında yüksək peşəkarlıqla icra olunub.
Mahnının canlandırdığı saf və ülvi sevgi duyğularqi klipin vizual həllində də öz əksini tapıb. Ekran işinin çəkilişləri Azərbaycanın ən füsunkar və təbii gözəllikləri ilə seçilən cənub bölgəsində — Lənkəran şəhərində yerləşən "Citrus Valley" və "Khazar Palace" məkanlarında baş tutub. Klipin baş rollarını gənc və istedadlı aktyorlar İnci Səlimova ilə Fərid Məhərrəmov canlandırıblar. Onların ekrandakı səmimi tərəfdaşlığı və duyğu ötürücülüyü layihənin uğurunu tamamlayan əsas amillərdən biridir. Klipin mükəmməl vizual keyfiyyətinə, peşəkar kamera işinə, montajına və rəng korreksiyasına (kolorist) isə Yusif Əliyev imza atıb.
Milli Konservatoriyanın divarları arasında püxtələşən və Dövlət Opera və Balet Teatrının səhnəsində mürəkkəb obrazları canlandıran Elşən Mübariz, "Sonsuz sevgi" layihəsi ilə estrada janrında da nə dərəcədə iddialı və çoxşaxəli bir sənətçi olduğunu sübut edir. Saf və dərin duyğular bəxş edən bu kompozisiya və klip artıq bütün rəqəmsal platformalarda dinləyicilərin ixtiyarına verilib.
“Zəfər nəsli” proqramı çərçivəsində “Şam işığında konsert” keçirilib
10 Noyabr 2026
Zəfərin Mənəvi Təntənəsi: Abdulla Şaiqin Mənzil-Muzeyində 8 Noyabr – Zəfər Günü qeyd olunub.
6 Noyabr 2026
Məktəblilərin Ordubada ekskursiyası təşkil olunub
23 Oktyabr 2026
Azərbaycan Bəstəkarlar İttifaqı Firəngiz Əlizadəyə dərin hüznlə başsağlığı verir
21 Oktyabr 2026
Şahbaz Alinin “Gəl” mahnısı dinləyicilər tərəfindən sevgi ilə qarşılanıb!
12 Oktyabr 2026
Tofiq Bakıxanovun silinməz izləri hər zaman yaşayacaq
1 Oktyabr 2026
Abdulla Şaiqin Mənzil-Muzeyində 27 sentyabr "Anım Günü"nə həsr edilmiş tədbir keçirildi
24 Sentyabr 2026
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
28 İyul 2026
Azərbaycanın SECURE modeli UNESCO-nun Ümumdünya İrs Komitəsində təqdim olunub
24 İyul 2026
Mədəniyyət naziri Adil Kərimli yubileyi münasibətilə Xalq artisti Flora Kərimovanı evində ziyarət e…
24 İyul 2026