Azərbaycan Respublikası Mədəniyyət Nazirliyinin təşəbbüsü və təşkilatçılığı ilə həyata keçirilən bədii kollektivlərin qastrol proqramı davam edir.
Layihə çərçivəsində M.Maqomayev adına Azərbaycan Dövlət Akademik Filarmoniyasının Qara Qarayev adına Azərbaycan Dövlət Kamera Orkestri iyunun 10-da Xızı şəhərində yerləşən Heydər Əliyev Mərkəzində geniş konsert proqramı ilə çıxış edib.
Orkestr Əməkdar artist Əyyub Quliyevin dirijorluğu ilə Azərbaycan və xarici ölkə bəstəkarlarının əsərlərini səsləndirib.
Proqramda Üzeyir Hacıbəylinin “Arazbarı”, Arif Məlikovun “İki qəlbin dastanı” baletindən “Qızların rəqsi”, Fikrət Əmirovun “Mən səni araram”,
“Min bir gecə” baletindən “Şəhrizadın bayramı” və final səhnəsi, Qara Qarayevin “Yeddi gözəl” baletindən “Vals”, Azər Rzayevin “Düşüncə”, Vittorio Montinin “Çardaş”, Tofiq Quliyevin “Sevgi valsı”, Musa Mirzəyevin “Azərbaycan rəqsi”, Süleyman Ələsgərovun “Şalaxo”, eləcə də Həsən Rzayevin “Çahargah” rapsodiyası təqdim olunub.
Orkestrin böyük şövqlə ifa etdiyi bütün musiqi nömrələri alqışlarla qarşılanıb. Konsertdə Əməkdar artist, kamança ifaçısı Toğrul Əsədullayev və tarzən Səxavət Məmmədov iştirak edərək maraqlı musiqi proqramı təqdim ediblər.
Qeyd edək ki, qastrol layihəsi paytaxt və bölgələri vahid mədəni proqram çərçivəsində birləşdirən və ölkə üzrə geniş coğrafiyanı əhatə edən ilk sistemli təşəbbüs kimi həyata keçirilir.
“Zəfər nəsli” proqramı çərçivəsində “Şam işığında konsert” keçirilib
10 Noyabr 2026
Zəfərin Mənəvi Təntənəsi: Abdulla Şaiqin Mənzil-Muzeyində 8 Noyabr – Zəfər Günü qeyd olunub.
6 Noyabr 2026
Məktəblilərin Ordubada ekskursiyası təşkil olunub
23 Oktyabr 2026
Azərbaycan Bəstəkarlar İttifaqı Firəngiz Əlizadəyə dərin hüznlə başsağlığı verir
21 Oktyabr 2026
Şahbaz Alinin “Gəl” mahnısı dinləyicilər tərəfindən sevgi ilə qarşılanıb!
12 Oktyabr 2026
Tofiq Bakıxanovun silinməz izləri hər zaman yaşayacaq
1 Oktyabr 2026
Abdulla Şaiqin Mənzil-Muzeyində 27 sentyabr "Anım Günü"nə həsr edilmiş tədbir keçirildi
24 Sentyabr 2026
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
28 İyul 2026
Azərbaycanın SECURE modeli UNESCO-nun Ümumdünya İrs Komitəsində təqdim olunub
24 İyul 2026
Mədəniyyət naziri Adil Kərimli yubileyi münasibətilə Xalq artisti Flora Kərimovanı evində ziyarət e…
24 İyul 2026