Təhsil İdman Peşə İnnovasiya Karyera

İdman

Logo

Məktəblilər üçün atletika təlimlərinə start veriləcək

Məktəblilər üçün atletika təlimlərinə start veriləcək

Noyabrın 3-də “Bakı 2026 - Dünya İdman Paytaxtı” çərçivəsində məktəblilər üçün atletika təlimlərinə start veriləcək.

Gənclər və İdman Nazirliyi, Məktəbəqədər və Ümumi Təhsil üzrə Dövlət Agentliyi, Azərbaycan Atletika Federasiyası və Bakı Atletika Mərkəzinin əməkdaşlığı ilə təşkil olunan təlimlər idmanın kütləviləşdirilməsi, uşaqların erkən yaşlardan idmana cəlb edilməsi və uşaq atletikasının inkişafı məqsədi daşıyır.

Bakı Atletika Mərkəzində baş tutacaq təlimlər 6-9 və 10-12 yaş qruplarına daxil olan məktəblilər üçün bir ay müddətində ödənişsiz təşkil olunacaq. Məşqlər həftədə iki dəfə, hər biri bir saat olmaqla keçiriləcək.

Təlimlər zamanı uşaqlar qaçış, tullanma və digər fundamental atletika hərəkətləri üzrə ilkin bacarıqlarını inkişaf etdirəcək, fiziki fəallıqlarını artıracaq və sağlam həyat tərzinin təşviqinə töhfə verəcəklər.

Təlimlərdə 200 nömrəli məktəb-lisey kompleksi, “Ankara məktəbi” məktəb-liseyi, eləcə də 34, 36, 39, 45, 47, 177, 193, 202, 207, 212 və 258 nömrəli tam orta məktəblərin şagirdləri iştirak edəcəklər.


Məktəblilər üçün atletika təlimlərinə start veriləcək
10 Noyabr 2026