Təhsil İdman Peşə İnnovasiya Karyera

İdman

Logo

Bakı “SportAccord Convention 2027”yə ev sahibliyi edəcək

Bakı “SportAccord Convention 2027”yə ev sahibliyi edəcək

Bakı 2027-ci ildə dünya idman sənayesinin aparıcı nümayəndələrini bir araya gətirəcək mühüm beynəlxalq platformaya ev sahibliyi edəcək. Belə ki, mayın 9–13-də paytaxtımızda idman sənayesinin ən nüfuzlu və genişmiqyaslı tədbirlərindən biri olan “SportAccord Convention 2027” keçiriləcək.

Tədbirdə iştirak etmək istəyənlər üçün erkən qeydiyyat mərhələsinə start verilib. Rəsmi qeydiyyat keçidi vasitəsilə müraciət edərək daha sərfəli qiymətlə iştirakınızı təsdiqləyə bilərsiniz. Erkən qeydiyyat imkanı məhdud müddət ərzində qüvvədə olacaq.

Sammitdə 120-dən çox beynəlxalq idman federasiyasının, Beynəlxalq Olimpiya Komitəsinin (BOK), qlobal idman yarışlarına ev sahibliyi edən şəhərlərin müvafiq qurumlarının və aparıcı şirkətlərin təmsil olunacağı gözlənilir. Ümumilikdə 65-dən artıq ölkədən 600-dən çox təşkilatı təmsil edən 1700-dən çox rəsmi nümayəndənin iştirakı nəzərdə tutulur.

Beş gün davam edəcək sammit çərçivəsində beynəlxalq federasiyaların rəsmi iclasları, konfranslar, panel müzakirələri, sərgilər və B2B görüşlər təşkil olunacaq. İştirakçılar strateji tərəfdaşlıqlar qurmaq, təcrübə mübadiləsi aparmaq və idman sənayesinin gələcək inkişaf istiqamətlərini müzakirə etmək imkanı əldə edəcəklər. Tədbirin əsas işgüzar proqramı Bakı Konqres Mərkəzində, açılış mərasimi isə Heydər Əliyev Mərkəzində keçiriləcək.


Bakı “SportAccord Convention 2027”yə ev sahibliyi edəcək
13 Noyabr 2026