Türkiyənin İstanbul şəhərində keçirilən “Teknofest-2025” Aerokosmik və Texnologiya Festivalında Azərbaycan Dövlət Neft və Sənaye Universitetinin tələbəsi uğur qazanıb. Belə ki, ADNSU SABAH qruplarının III kurs tələbəsi, Mexatronika və Robototexnika mühəndisliyi ixtisası üzrə təhsil alan Həsən Dadaşzadə “Pardus Xətaları Aşkarlama və Tövsiyə Yarışması” kateqoriyasında iştirak edərək II yerə layiq görülüb.
Həsən Dadaşzadə və rəhbərlik etdiyi FARAD komandası Pardus əməliyyat sistemində proqram təminatındakı boşluqları aşkar etmək və hacking üçün istifadə oluna biləcək sistem boşluqlarına qarşı tədbirlər və tövsiyələr hazırlamaq istiqamətində innovativ həllər təqdim ediblər.
Həmçinin, ADNSU-nun digər bir tələbəsi Məhəmməd Cəbrayılov Milli Aviasiya Akademiyasının “AzST” komandasının tərkibində “Teknofest-2025”də möhtəşəm uğura imza ataraq iki kateqoriya üzrə ikinci yerə layiq görülüb.
Hər iki kateqoriya Teknofestin ən çətin və yüksək səviyyəli missiyaları sayılır və yarışda iştirak etmək üçün əvvəlki illərdə uğurlu nəticə qazanmaq tələb olunur.
Qeyd edək ki, dünyanın ən böyük aviasiya, kosmos və texnologiya festivali “Teknofest 2025” 17-21 sentyabr tarixlərində keçirilib. Beş gün davam edən festivala 96 ölkədən 565 min nəfərdən çox komanda və 1,1 milyon iştirakçı müraciət edib. Tədbirdə 58 əsas və 137 əlavə kateqoriyada texnologiya yarışları, dronlar və təyyarələrin hava şouları, robototexnika yarışları təqdim edilib.
“Vətən müharibəsi Qəhrəmanları ilə bir gün” layihəsi keçirilib
8 Noyabr 2026
Bakı Gənclər Mərkəzində “Vətən Müharibəsi Qəhrəmanları ilə bir gün” layihəsi keçirilib
6 Noyabr 2026
Şahbuzda məktəblilərlə Vətən müharibəsi iştirakçılarının görüşü keçirilib
5 Noyabr 2026
Naxçıvanda ilk dəfə keçirilən HIPPO Olimpiadasında 7 şagird ikinci mərhələyə vəsiqə qazanıb
16 May 2026
Eşitmə və danışma məhdudiyyətli şəxslər üçün innovativ texnoloji həll
2 Aprel 2026
24 Dekabr Cənab Prezident İlham Əliyevin doğum günüdür .
24 Dekabr 2025
UFAZ-ın məzunu Böyük Britaniyanın “INEOS Energy” şirkətində 3 aylıq təcrübə proqramını uğurla başa …
23 Sentyabr 2025
Azərbaycanlı tədqiqatçı BMT-nin Cenevrə sammitində Qərbi azərbaycanlıların hüquqları barədə çıxış e…
4 Sentyabr 2025
Şəhid baş leytenant Vüsal Babayevin qızı Rüqəyya birinci sinfə daxil olub
1 Sentyabr 2025
Ən yüksək keçid balını o topladı - Ölkə rekordunu yenilədi
31 Avqust 2025