Sentyabrın 20–21-də Şəki Olimpiya İdman Kompleksində bədii gimnastika üzrə 30-cu ölkə birinciliyi keçirilir. Yarış qarşıdan gələn III MDB Oyunları öncəsi sınaq xarakteri daşıyır. Ölkənin müxtəlif bölgələrini təmsil edən 13 klubdan 130 gimnast bu yarışda iştirak edir. Onlar balacalar, yeniyetmələr və gənclər yaş kateqoriyaları üzrə fərdi və qrup hərəkətləri proqramlarında – halqa, top, lent və gürzlərlə çıxış edirlər.
Yarışın ilk günündə balacalar yaş kateqoriyası üzrə gimnastlar alətsiz, halqa və gürzlər proqramında bacarıqlarını nümayiş etdiriblər. 2017-ci il təvəllüdlü gimnastlar arasında birinci yeri “Ocaq Sport” klubunun nümayəndəsi Leyli Qayıblı qazanıb. İkinci yerdə Su İdmanı Sarayından Miray Həsənəliyeva, üçüncü yerdə isə Sumqayıt OİK-in gimnastı Nuray Dolçayeva qərarlaşıblar. 2016-cı il təvəllüdlülər arasında “Ocaq Sport” klubundan Zeynəb İsmayılova qızıl medal, Suel Kasımova gümüş medal, Aylin Gözəlova isə bürünc medal əldə ediblər. 2015-ci il təvəllüdlü gimnastların mübarizəsində isə “Ocaq Sport” klubundan Mira Özel qızıl, Su İdmanı Sarayından Aminə Sadıxova gümüş, “Ocaq Sport” klubundan Nilay Pünhanlı isə bürünc medalın sahibi olublar.
Qrup hərəkətləri üzrə balacaların mübarizəsində alətsiz proqramda qızıl və gümüş medallar “Ocaq Sport” klubunun komandalarına qismət olub. Bürünc medalı isə Abşeron OİK qazanıb. Çoxnövçülük və 5 ip proqramında isə “Ocaq Sport” klubunun komandaları bütün pillələri tutaraq ilk üçlüyün sahibi olublar.
Tələbələr arasında stolüstü tennis yarışı keçirilib
16 Noyabr 2026
AFFA UEFA Millətlər Liqasının Ermənistan-Kipr oyununda baş verən insidentlə bağlı UEFA-ya rəsmi eti…
13 Noyabr 2026
Bakı “SportAccord Convention 2027”yə ev sahibliyi edəcək
13 Noyabr 2026
Şərur Olimpiya İdman Kompleksində təmir işləri yekunlaşıb
13 Noyabr 2026
Məktəblilər üçün atletika təlimlərinə start veriləcək
10 Noyabr 2026
“ExpoSport Azerbaijan” sərgisi
10 Noyabr 2026
AFFA ilə klubların akademiya rəhbərləri arasında görüş keçirilib
31 Oktyabr 2026
Azərbaycan Braziliya Ciu-Citsu İctimai Birliyinin təşkilatçılığı ilə İctimai Birliyin klublar və fl…
27 Oktyabr 2026
Bədii gimnastika üzrə “Ocaq Cup” beynəlxalq turniri
23 Oktyabr 2026
Naxçıvanda karateçilərin açıq hava məşqi təşkil olunub
23 Oktyabr 2026