“Qarabağ” – “Şelburn” (İrlandiya) - 1:0
Con Martin, 44 (avtoqol)
İlk oyun – 3:0
“Qarabağ” Çempionlar Liqasında II təsnifat mərhələsinin cavab oyununa çıxıb. Komandamız İrlandiyanın “Şelburn” kollektivini qəbul edib.
Baş məşqçi Qurban Qurbanov Tofiq Bəhramov adına Respublika stadionunda keçirilən görüşdə aşağıdakı start “11-liy”inə şans verib: 99. Mateuş Koxalski, 13. Bəhlul Mustafazadə, 81. Kevin Medina, 2. Mateus Silva, 44. Elvin Cəfərquliyev, 35. Pedro Bikalyo, 20. Kadi Borges, 11. Emmanuel Addai, 15. Leandro Andrade, 10. Abdullah Zubir (k), 90. Nəriman Axundzadə.
İlk dəqiqələrdən komandamız oyuna nəzarət edib. Getdikcə rəqibi qapısı qarşısına sıxan futbolçularımız çoxgedişli ötürmələrlə qol axtarışında olublar. İrlandiya təmsilçisi sıx müdafiə olunaraq, qapısının toxunulmazlığını qorumağa çalışıb. Buna baxmayaraq, təhlükəli hücumlar qurmaq mümkün olub. Xüsusən də, Kadi Borgesin uzaq məsafədən qüvvətli zərbələri “Şelburn”un qapıçısını tez-tez narahat edib.
Birinci hissənin sonlarında təzyiqi artıran futbolçularımız fasilə ərəfəsində hesabı açmağa müvəffəq olublar. Kadi sol cinahdan gözəl reyd edərək, qapı qarşısına ötürmə verib və top rəqibin müdafiəçisinə dəyərək tora daxil olub.
Qonaqlar ikinci hissənin əvvəllərində bir qədər fəallıq göstərsələr də, dəqiqələr keçdikcə komandamız yenidən oyuna diktə etməyə başlayıb. Hesab arasındakı fərqi artırmaq üçün şanslar da olub. Lakin həlledici məqamda topu qapıdan keçirmək mümkün olmayıb. 68-ci dəqiqədə Kadi Borges penalti zərbəsini qola çevirə bilməyib.
Qalan dəqiqələrdə də nəzarəti əldən verməyən komandamız 1:0 hesablı qələbə qazanıb. İki matçın cəmində rəqibini 4:0 hesabı ilə üstələyən “Qarabağ” III təsnifat mərhələsinə yüksəlib. “Qarabağ” bununla da ardıcıl 12-ci dəfə avrokubokların əsas mərhələsini təmin edib.
Qeyd edək ki, Çempionlar Liqasının III təsnifat mərhələsinin oyunları avqustun 5-6-da və 12-də keçiriləcək.
Tələbələr arasında stolüstü tennis yarışı keçirilib
16 Noyabr 2026
AFFA UEFA Millətlər Liqasının Ermənistan-Kipr oyununda baş verən insidentlə bağlı UEFA-ya rəsmi eti…
13 Noyabr 2026
Bakı “SportAccord Convention 2027”yə ev sahibliyi edəcək
13 Noyabr 2026
Şərur Olimpiya İdman Kompleksində təmir işləri yekunlaşıb
13 Noyabr 2026
Məktəblilər üçün atletika təlimlərinə start veriləcək
10 Noyabr 2026
“ExpoSport Azerbaijan” sərgisi
10 Noyabr 2026
AFFA ilə klubların akademiya rəhbərləri arasında görüş keçirilib
31 Oktyabr 2026
Azərbaycan Braziliya Ciu-Citsu İctimai Birliyinin təşkilatçılığı ilə İctimai Birliyin klublar və fl…
27 Oktyabr 2026
Bədii gimnastika üzrə “Ocaq Cup” beynəlxalq turniri
23 Oktyabr 2026
Naxçıvanda karateçilərin açıq hava məşqi təşkil olunub
23 Oktyabr 2026