Təhsil İdman Peşə İnnovasiya Karyera

İdman

Logo

“Üzməyi öyrənək” layihəsinin VII mərhələsinə start verilib

“Üzməyi öyrənək” layihəsinin VII mərhələsinə start verilib

Bu gündən Gənclər və İdman Nazirliyi, Azərbaycan Üzgüçülük Federasiyasının birgə təşkilatçılığı, Məktəbəqədər və Ümumi Təhsil üzrə Dövlət Agentliyinin dəstəyi ilə “Üzməyi öyrənək” layihəsinin VII mərhələsinə start verilib. 1-8-ci sinif şagirdləri üçün nəzərdə tutulan ödənişsiz üzgüçülük təlimləri 1 ay davam edəcək və ümumilikdə 12 dərsi əhatə edəcək.

Təlimlər ölkənin 25 idman obyektində - Ağcabədi, Balakən, Beyləqan, Biləsuvar, Cəlilabad, Gəncə, Goranboy, İsmayıllı, Kürdəmir, Qazax, Qəbələ, Quba, Qusar, Lənkəran, Saatlı, Salyan, Sumqayıt, Şəki, Şəmkir, Şirvan, Tərtər, Tovuz, Neftçala, Zaqatala Olimpiya İdman Kompleksləri və “Kür” Olimpiya Tədris-İdman Mərkəzində təşkil olunacaq.

Təlim proqramını uğurla başa vuran iştirakçılara sertifikat təqdim olunacaq.


“Üzməyi öyrənək” layihəsinin VII mərhələsinə start verilib
20 Aprel 2026