İyunun 24-də “Mədəniyyət Könüllüləri” İctimai Birliyinin təşkilatçılığı ilə keçirilən "Səslərimiz birləşsin” məktəblilər arasında birinci xor festivalının qala-konserti baş tutub.
Rəşid Behbudov adına Azərbaycan Dövlət Mahnı Teatrında təşkil olunan tədbirdə şagirdlərdən ibarət xor kollektivləri müxtəlif musiqi nömrələri təqdim edib.
Tədbirin açılışında çıxış edən Elm və Təhsil Nazirliyinin İctimaiyyətlə əlaqələr və kommunikasiya şöbəsinin müdir müavini Ayla Həsənova-Məmmədova və Rəşid Behbudov adına Azərbaycan Dövlət Mahnı Teatrının direktoru, “Mədəniyyət Könüllüləri” İctimai Birliyinin sədri Ülviyyə Bəbirli iştirakçıları və qonaqları salamlayaraq məktəbdənkənar təhsil proqramlarında xor ifa mədəniyyətinin təbliği, bu mədəniyyətin məktəblilərin mədəni, sosial və intellektual inkişaflarına təsiri, eləcə də layihənin gələcək inkişaf perspektivlərindən bəhs ediblər.
Tədbir zamanı festivalın qalib və fərqlənən xor kollektivlərinin üzvləri və müəllimlər təltif ediliblər. Təltifetmədə Elm və Təhsil Nazirliyinin İctimaiyyətlə əlaqələr və kommunikasiya şöbəsinin müdiri Səbuhi Rzayev, şöbənin müdir müavini Ayla Həsənova-Məmmədova, "Mədəniyyət Könüllüləri" İctimai Birliyinin sədri Ülviyyə Bəbirli, layihə rəhbəri Bəbir Bəbirli, Xalq artisti Gülyaz Məmmədova, eyni zamanda Taleh Yəhyayev, dirijor-xormeyster Ellada Məmmədova, İlhamə Qasımova, Fəxri Kazım Nicat və vokal sinfi üzrə konsertmeyster Zülfiyyə Mövsümova iştirak ediblər.
Ümumilikdə, layihəyə Bakı şəhəri, Abşeron rayonu, Şirvan, Quba, Astara və Füzuli rayonlarını təmsil edən 51 məktəb kollektivi, 1066 məktəbli və müəllim qoşulub. Festivalın seçim mərhələsində ən yüksək nəticə göstərən 10 xor kollektivi və xüsusi fərqlənən 6 kollektiv qala-konsertdə çıxış etmək hüququ qazanıb.
Qeyd edək ki, layihə Elm və Təhsil Nazirliyinin həyata keçirdiyi “Elm və təhsil sahəsində ictimai təşəbbüslərin dəstəklənməsi” qrant müsabiqəsi çərçivəsində təşkil olunub. Layihə məktəblilər arasında xor sənətinin inkişafına, milli musiqi dəyərlərinin təbliğinə, kollektiv yaradıcılıq və ifaçılıq bacarıqlarının təşviqinə xidmət edir.
Xankəndi şəhərində “Zəfər nəsli” gənclər düşərgəsi təşkil olunub
16 Noyabr 2026
Daun sindromlu yeniyetmələrin iştirakı ilə “Təbiətin Dostları Festivalı” keçirilib
10 Noyabr 2026
“Zəfər nəsli” gənclər düşərgəsi keçirilib
10 Noyabr 2026
“Zaqatala Gənclərinin İntellektual Yarışı” layihəsinin rəsmi açılış mərasimi keçirilib!
5 Noyabr 2026
“Fibonacci” intellektual-əyləncəli oyunu yekunlaşıb
3 Noyabr 2026
MDB PA DİMBİ Bakı filialı ilə “Gənclərin Töhfəsi” İctimai Birliyi arasında əməkdaşlıq haqqında Memo…
31 Oktyabr 2026
“Zaqatala Gənclərinin İntellektual Yarışı” layihəsinə qeydiyyat başladı!
25 Oktyabr 2026
“Uğurlu Gələcək Sağlam Gənclikdə Başlayır” layihəsinə start verilib
6 Oktyabr 2026
Xidmət rəisi "Miqrasiya Məktəbi " haqqında paylaşım etdi
5 Oktyabr 2026
Səyyar Gənclər Xidməti növbəti dayanacağı olan Salyan ilə fəaliyyətinə davam edir
1 Oktyabr 2026